EEM Groepenkasten

Taolbarrière

roelof keen klazienaveen taolschulteSinds kört hebt we in Emmen een prachtig nei park. “Wildlands Adventure Zoo”. Emmen lig in Drenthe. Jaja, ik heb vrogger goed oplet tiedens de topografielessen! Veur dat prachtig neie park bint vrijwilligers neudig um alles in goeie banen te leiden. Vanzölf komt daor anmeldings veur van mèensen oet de umgeving, ok een goeie vriendin van mij en mien vrouw hef zuch opgeven. Het leek heur geweldig um of en toe daor te wezen en bezukers te helpen. Het sollicitatiegesprek gung best goed dacht ze, maar nao een toertie kreeg ze de understaonde reactie.

Geachte mevrouw,

Allereerst excuus voor de late reactie. Wegens vakantie was ik even niet bereikbaar.

De reden van uw afwijzing lag vooral in het feit dat u tijdens het gesprek Drents sprak. Onze voorkeur gaat uit naar vrijwilligers die Nederlands spreken en het aanbod van nieuwe vrijwilligers was dusdanig groot dat we daardoor de keus niet op u hebben laten vallen.

Met vriendelijke groet,

Roely Hofman
Coördinator Educatie & Vrijwilligers

Wat??? Omdat u vooral Drents sprak?
Beste Roely. Emmen lig in Drenthe! Mèensen die oet Drenthe komt en trots bint op hun prachtige taol, die elke Nederlander verstiet, praot Drents. As het bijtoeren neudig is beheerst we allemaol het West Nederlands dialect, daor zit het probleem niet. Drents praoten is gien schande Roely. Het is een kroonstientie op oes erfgoed, van oeze al even mooie provincie.

Klein bijkomstigheidtie, Roely. Van oeze vriendin heurde ik dat jij het hiele sollicitatiegesprek in de streektaol deed. Knap heur! Je herkomst verdoezeln.
Persoonlijk zul ik het geweldig vinden, dat as ik hulp neudig bin, in je mooie Drentse park, dat ik dan in mien eigen taol anspreuken zul worden, en ik weet zeker, Roely, dat geldt veur de mieste Drentse bezukers.
Het idee daj in een Drents park, niet Drents praoten mucht, dat stoot mij tegen de börst Roely.

Roelof Keen,

Taolschulte gemiente Emmen.